Canton de Salvanhac (Salvagnac)

Candidat del Canton de Salvanhac

Sèrgi VIAULE es nascut a La Vaur lo 21 de julhet de 1950 a doncas 60 ans.

Viu maritalament e es paire d'un enfant.

Demòra actualament a Sant Sulpici la Punta.

Es retirat de l'educator especialisat desempuèi la debuta de l'an 2011.

Un engatjament per Occitània :

Tre son enfància Sèrgi VIAULE foguèt conscient de son especificitat

lingüistica e de las menaças que la secutava. Pus tard foguèt l'opression

politica de París sus Occitània que se revelèt a el. S'engatgèt d'ora dins

lo combat politic. Cò-fondador del Partit Occitan en 1987, èra

precedentament sòci del Moviment Socialista Autonomista Occitan « Volem

Viure al País » per loqual es estat mantunes còps candidat a diferentas

eleccions.

Es estat sòci del Burèu Federal del Partit Occitan de 1987 a 2007 e

responsable de la revista « OCCITÀNIA ».

Lésers e passatemps :

- Rugbí (es estat tretzista).

- La randonada pedèstra esportiva.

- La literatura (occitana, plan solide).

Motivacion :

« Vèni d'un mitan rural e ai de longa servat un contacte sarrat amb lo
campèstre e los que lo fan viure. S'ai causit de me presentar dins lo canton
de Salvanhac es per maintunas rasons. Primièrament es un canton que prend de
mai en mai consciéncia de la necessitat d'un desvolopament duradís amb una
agricultura biologica en creisséncia de mercés a la preséncia sus son
territòri d'una cooperativa de productors biologiques. Segondament la lenga
nòstra i es non solament encara viva, mas es presa en compte per d¹unas
comunas del Salvanhaqués qu'eisitan pas de la metre publicament en valor de
mercés a una sinhalisacion toponimica tota en occitan. Tresenament, e la
causa es pas tan anodina que çò que pòt paréisser, lo canton de Salvanhac lo
coneissi plan e m'es car per çò qu'i ai d'amics de totjorn ».

  

Remplaçanta del Candidat

Gisèla BERLIC

Sòi nascuda a La Vaur lo 22 de mai 1966.

Demòri a Castèl Nòu de Mont Miralh dins Tarn ambe lo meu òme e mos tres filhs.

Foguèri pendent 21 ans ajuda de laboratòri dins l'educacion nacionala, aquí, aprèstavi de material e de salsas pels professors de sciéncias.

Uèi, ai cambiat de mestièr e me passeji ambe mon taulièr "macarel" sus las fièras e los mercats a l'entorn de Tarn, Tarn e Garona e Garona Nauta ont vendi de produches Occitans.

Aquí, ai plaser de far sonar la nòstra lengua e me maini que lo monde tanben son uróses de l'ausir dins la carrièra e de poder parlar, sobretot quand son de pichonets d'un desenat d'annadas que sortisson d'escòlas bilingüas o de calendretas e que parlan tant plan l'Occitan coma lo francés.

Tot aquò e de veser tanben que los partits politics d'un costat coma de l'autre balhon pas cap de satisfaccion m'a menada al partit Occitan qu'es per ieu un partit d'avenir que ten compte de las racinas e de la diversitat culturala del monde.

Gisèle BERLIC

Née à Lavaur le 22 mai 1966.

Demeurant à Castelnau de Montmiral avec mon époux et mes trois fils.

J'ai exercé en tant qu'aide de laboratoire de l'éducation nationale pendant 21 ans où je préparais des expériences pour les professeurs de sciences.

Aujourd'hui, j'ai complètement changé d'activité, je me promène sur les marchés et les foires du Tarn, Tarn et Garonne et Haute Garonne avec mon stand "macarel" pour y vendre des produits Occitans.

Là, c'est avec grand plaisir que je peux communiquer en Occitan avec les gens et me rendre compte que pour eux aussi c'est du bonheur d'entendre parler cette langue dans la rue.

J'ai pu constater que les enfants d'une dizaine d'années qui sortent d'écoles bilingues ou de "calendretas" sont capables de parler l'Occitan aussi bien que le français.

Tout çà, ainsi que la déception que donnent les différents partis politiques m'ont emmenée à adhérer au "partit Occitan" qui, pour moi est un parti d'avenir qui tient compte des racines et de la diversité culturelle de la population.

Proposicions del Candidat del Pòc

Brèva presentacion del canton :

Lo canton de Salvanhac es un canton rural de 2 500 estatjants per uèit

comunas : Biuvais de Tescon ; Montdurauça ; Montgalhard ; Montvalent ; Sant Osèsi ; Salvanhac ; La Sausièra Sant Joan e Tauriac.
L'actual Conselhièr General del canton es lo conse Divèrs Gaucha (DVG) de Montdurauça, Jòrdi PAULIN (es Vici-President del CC).

Aquelas uèit comunas se son tanben erigidas en Comunitat de Comunas qu'a

pres lo nom de « Comunitat de Comunas del País Salvanhaqués ». L'actual

President d'aquesta Comunitat de Comuna es lo conse Divèrs Drecha (DVD) de

Salvanhac, Bernat MIRAMONT.

Las proposicions del candidat del Pòc tocant directament lo canton de
Salvanha:

- Lo canton de Salvanhac es un canton unicament agricòla ont domina

l'agricultura cerealièra. Demest los agricultors del canton, fòrces son

passats a l'agricultura biologica e existís sul canton una cooperativa de
productors biologiques importanta e ja anciana. Mas res per la

transformacion sus plaça d'aquesta produccion. Jos d'unas condicions lo

Conselh General poriá ajudar a l'implantacion d'unitats de transformacion.

Notablament en ajudant a la construccion de las infrastructuras necessàrias

(rotièras per exemple).

- Tocant a l'agricultura biologica lo Conselh General poriá butar a la

diversificacion de la produccion en agmentant la demanda d'ortalalha per las cantinas de sos collègis e establiments socials que n'a la carga (MECS, ostals de retiradas, etc). La produccion de l'ortalalha biologica venduda en circuit cort vendriá en complement de la produccion cerealièra.

- Multiplicar la frequéncia dels passatges d'autocarris sus la linha

Albi-Montalban per fin de permetre a la populacion annadida de se poder

desplaçar. E subretot de far montar los carris al vilatge per evitar als

ainats d'aver a davalar sus la nacionala. Es un domèni ont lo Conselh

General pòt intervenir per enançar una vertadièra politica de servicis

public a profièch de la populacion rurala.

- Salvanhac es un canton ont la lenga occitana es viva. Es doncas necite que dins l'encastre de la Convencion per la promocion de l'ensenhament de la lenga occitana que liga lo Conselh General d'Albigés e l'Educacion Nacionala, se dobrigue al pus lèu una filièra bilinga a l'escòla de Salvanhac. Filièra que deurà trapar sa continuitat al collègi de Rasbastens. Lo Partit Occitan rebremba que las doas entitats (Conselh General d'Albigés

e Educacion Nacionala) se son engatjadas a dobrir cada an doas filièras bilingas dins lo despartament. Los futurs Conselhièrs Generals del Partit Occitan velharán a çò que lo contengut d'aquesta Convencion siá escrupulosament aplicat.

- Doas comunas del canton, La Sausièra Sant Joan e Montvalent an restablit, fa ara un vintenat d'annadas, metèron la totalitat de lor sinhaletica toponimica en lenga nòstra (lo nom de las bòrias). Lo Conselh General, dins l'encastre de sa politica en favor de la lenga occitana, deu ajudar financièrament las autras comunas del canton per lor permetre, s'o desiran, de contunhar de metre en valor lo patrimoni lingüistic del país.

Al nivèl del despartament

Qualquas proposicions del Partit Occitan per una politica coërenta al
servici de totes :

Ieu ne farai pas que tres tocant a la lenga e la cultura occitanas :

1) Coma es mencionat pus naut, es imperatiu que lo Partit Occitan velhe a çò que la Convencion amb l'EN siá plan aplicada. I a plan tròpes de tèxtes que son estats signats e que son pas aplicats. Aquel afar de dos sitis bilingues novèls per an, s'èra tengut, aquò voldriá dire qu'a cima del processús, totas las escòlas del despartament serián bilingas. ES CAP A N'AQUÒ QUE CAL ANAR. Es la rason per laquala lo Partit Occitan deu èsser vigilent sus aqueste sicut. Mas es tanben per aquesta rason qu'a un moment donat lo CG e l'EN tirarán los pès enrè. Se la demanda e la vigiléncia son pas aquí, la convencion serà lèu en sòm.

2) Nos cal demandar TRES ARA, amb un escalonament sus tres ans, un bugète d'un million d'euròs per la cultura occitana dins lo despartament. Avem d'arguments per aquò :

- I a un precedent dins los Pirenèus Atlantiques. Venon de votar dos milions
d'euròs per dos mièg-despartaments. Es vertat que los Pirenèus Atlantiques son dos còps mai poblats que non pas lo despartament de Tarn. Mas dos còps un million per dos còps mai de revengut, lo compte en bon. Se los Pirenèus Atlantics son capables d'o far, qual me poirà dire per de qué los autres despartaments o porián pas far ? S'o fan pas serà la demonstracion que n'an pas la volontat POLITICA.

- Los degordits del Conselh General de 81 van levar los braces al cèl e

cridar a una demanda irresponsabla dins aquestes temps ont las dotacions de

l'Estat son demesidas. Mas alara, que sapie, la règla val tanplan pels

Pirenèus Atlantiques coma pel 81. Aquel argument de nòstres detractors

resista pas a la pròva porgida per l¹exemple del 64. Qual sap se los

Conselhièrs 81 gausarán dire que los Conselhièrs 64 son de gestionaris

irresponsables ?

- Autre argument, avem tot a far per dire de servar la lenga e mai que tot

avem pas de temps a perdre. Las Assisis de la lenga ? Fòrça plan ! Una

enenca enquista subre l'usatge de la lenga ? Fai tirar ! Mas un moment donat caldrà ben èsser concret e se balhar los mejans de passar a l'accion. Un million d'euròs per an per tornar socialisar la lenga serán pas de tròp. Ja una brava partida d'aquesta soma poirà èsser mesa dins lo marrogal comun per far virar una cadena de television publica occitana.

3) Cal demandar que la sala del Conselh as Albi siá aplechada d'un sistèma

integrat de revirada simultanèa per permetre a totes los Conselhièrs Generals d'o vòlon de se poder exprimir en occitan al moment de las sesilhas plenièras. L'afar es pas simbolic. Es caporal dins l'encastre d'una reapropriacion de la lenga pel pòble. Quand los representants del pòble delibèran dins la lenga del colonisator es que lo pòble en question en vincit. Lo contrari torna la dignitat al pòble. Se i aviá una empacha legislativa a n'aquò, alavetz caldiá demandar lo cambiament de la reglamentacion o de la lei.  

Es aquò la politica : far bolegar las causas !

Les propositions des candidats du partit occitan pour le canton de
Salvanhac.

Le canton de Salvanhac est un canton surtout agricole où domine
l’agriculture céréalière. Parmi les agriculteurs du canton, beaucoup
cultivent en production biologique et une importante et déjà ancienne
coopérative de producteurs biologiques existe sur Salvanhac.
Cependant, il n’y a rien, ou quasi rien pour la transformation sur
place de cette production. Sous certaines conditions le Conseil
Général peut aider à l’implantation d’unités de transformation.
Notamment en aidant à la construction des infrastructures nécessaires
(routières par exemple).

Toujours concernant l’agriculture biologique, le Conseil Général peut
et doit encourager la diversification de la production en faisant
croitre la demande de fruits et de légumes pour les restaurants
scolaires de ses collèges et les établissements sociaux dont il a la
charge directe ou indirecte (MECS, IME, maisons de retraite, etc.). La
production biologique de fruits et de légumes, vendue en circuits
courts, viendrait en complément de la production céréalière.

Multiplier la fréquence des passages d’autocars sur la ligne Albi-
Montalban afin de permettre à la population âgée de pouvoir se
déplacer aisément. Et surtout il convient de faire monter les autocars
au village afin d’éviter à nos ainés d’avoir à descendre sur la
nationale. C’est un domaine dans lequel le Conseil Général peut
intervenir afin de renforçer une vraie politique de services publics
au profit de la population rurale due notre canton.

Salvanhac est un canton dans lequel la langue occitane est vive. Il
est donc nécessaire que dans le cadre de la Convention pour la
promotion de l’enseignement de la langue occitane qui lie le Conseil
Général du Tarn et l’Education Nationale, s’ouvre le plus tôt possible
une filière bilingue à l’école de Salvanhac. Filière qui devra trouver
sa continuité au collège de Rabastens. Le PARTIT OCCITAN rappelle que
les deux entités (Conseil Général du Tarn et Education Nationale) se
sont engagées à ouvrir chaque année deux filières bilingues dans le
département. Les futurs conseillers généraux du PARTIT OCCITAN
veilleront que le contenu de cette convention soit scrupuleusement
respectée par les deux contractants.

Deux communes du canton, La Sausièra Sant Joan et Monvalent ont
rétabli, cela fait maintenant une vintaine d’années, la totalité de
leur signalétique microtoponymique en langue occitane (le nom des
fermes). Le Conseil Général, dans le cadre de sa politique en faveur
de la langue occitane, doit aider financièrement les autres communes
du canton pour leur permettre, si elles le désirent, de continuer de
mettre en valeur le patrimoine linguistique du canton et du département.

Sèrgi VIAULE                                                                   

candidat del PARTIT OCCITAN

sul canton de Salvanhac.

http://cantonalas2011.blogspot.com

                                                                                   per

                                                                                                          L’intersindicala dels Retirats

 9, plaça Fernand Pelloutier

81000 Albi.

Sant Sulpici la Punta lo 10 de març de 2011

                                                           Cars compatriòtas,

            Dins un corrièr recent atrasatz mon atencion subre la perdiá d’autonomia de las personas e las responsas e proposicions dessolidariás e inacceptablas emanant de la Comission dels Afars Socials de l’Amassada Nacionala.

            Per ieu, i pòt pas aver de differéncia entre una perdiá d’autonomia e una invaliditat. Valent à dire que tota persona en perdiá d’autonomia, a quina edat qu’advenga aquesta perdiá, deu passar davant la comission ad hoc (autrecòps la COTOREP, mas ven de cambiar de nom) e beneficiar de las prestacion previstas, i comprés de la tèrça persona se besonh. D’efièch, la perdiá d’autonomia pòt èsser pas que la resultanta nefasta d’una patologia e doncas deu relevar de la branca malatiá de la Securitat Sociala. Adoncas, me sembla que deu èsser logicament presa en carga per la CRAM, quin que siague son còst. Es tot simplament una question de solidaritat volguda pel Conselh Nacional de la Resisténcia a la fin de la darrièra guèrra.

            Las possibilitat de finançar aquesta solidaritat existisson. Coma o ditz lo bon sens popular : « L’argent lo cal anar quèrre ont es », e d’argent n’i a. Per pròva, la premsa annoncia que s’es pas jamai vendut tantes batèus de luxe coma d’aquestas passas ! Conven de taussar l’especulacion financièra. L’argent se deu ganhar sul trabalh e l’argent se deu pas ganhar sus l’argent. Lo progrés, social e material, se bastís sus la produccion e non pas sus l’especulacion financièra. Es una evidéncia que se deu rebrembar de longa d’ont mai quand los agrefins de la finança prenon lo monde en ostatge coma s’es vist i a pas gaire.

            Lo Partit Occitan es un partit autonomista e social-democrata que son umanisme, que remonta siá ditz en passant a la nocion millenària de Paratge, lo pòrta indefugiblament a l’empatia e a la solidaritat envèrs a los que n’an mai de besonh.

            Creguent aver respondat a vòstra espèra e demorant a la vòstra dispausicion, vos pregui d’agradar, cars compatriòtas, l’expression de mos sentiment autonomistas los pus corals e solidaris.

                                                                                              Sèrgi Viaule

Sèrgi VIAULE

candidat a las eleccions cantonalas

sul canton de Salvanhac

adreiça postala : 47, avenguda Charles de Gaulle  81370 Sant Sulpici la Punta

Tel : 05.63.40.09.33

Sergi.viaule@orange.fr

                                                                              a l’atencion

                                                                                                                             de Dònas e Sénhers los jornalistas

                                                                                                                             d’Albigés, d’Occitània e d’endacòm mai.

                                                                              Dònas e Sénhers,

                Desempuèi la debuta d’aquesta campanha per las eleccions cantonalas de 2011, vesi e ausisi de quant en quora, mai que mai sus la premsa escricha, mas tanben qualquescòps dins la premsa radiofonica, los candidats del Partit Occitan de qualificats de « regionalistas ». Teni personalament a presisar que quand me soi inscrich a la prefectura coma candidat, o fasquèri jos l’etiqueta del Partit Occitan qu’es un partit clarament autonomista. Es atal especificat dins sos estatuts e sa carta fondatritz. Que los epitètes autonomia e federalisme non agraden als servicis prefectorals de la Republica jacobina de França es una causa e aquò se pòt compréner dins sa logica d’eradication dels pòbles europèus tombats jos son empresa imperialista. Que d’unes jornalistas, sensats escotar totes los sons de campana, tornessen préner aquesta terminologia, pòrta a soncar sus lor capacitat a rendre compte liurament dels anaments societats.

                De las extrèmas drechas a las extrèmas esquèrras franchimandas, dels fascistas als esquerristas en passant pels ecologistas que van totes cèrcar lors referéncia a París, la consigna tacita sembla èsser de parlar pas del revelh dels pòbles oprimits per la Republica. A l’ora ont en Euròpa totes los pòbles luchan amb mai o mens de capitada per lor reconeisséncia politica, la postura dels jacobins franceses que consistís a se tampar las aurelhas e los uèlhs per véser pas e ausir pas las reveidicacions autonomistas, pòt pas qu’agreujar son autisme.

                Dins la seu difinicion politica lo regionalisme s’acontenta d’una decentralisacion dels servicis estatals cap a la region. Al Partit Occitan siem pas regionalistas per çò que, per nautres, es pas una deconcentracion de las administracions francesas que volem, pas un vertadièr transferiment de competéncias dins d’unes domènis. E un transferiment de competéncias acompanhat del poder legislatiu dins los domènis concernits. Aquò’s aquò l’autonomisme e lo federalisme. Aquò’s aquò, ni mai, ni mens, l’aplicacion de la subsidiaritat e l’aprigondiment de la democracia.

                Dònas e Sénhers, se l’autonomisme del Partit Occitan vos fa encara paur (i a de fòbia que passan pas jamai), podètz, per vos suènhar, sempre tractar sos militants de « regionalistas », aquò rai ! Mas vos cal saupre que vòstre desir es pas realitat. Plan se’n manca ! Malgrat tota la vòlha de qualqu’unes d’entre vautres per brolhar las pistas, soi candidat del Partit Occitan sul canton de Salvanhac. Soi adoncas candidat autonomista e res d’autre.

                                                                                                                                             Sèrgi Viaule

 Comunicat de premsa

Comunicat de premsa de Sèrgi Viaule e Gisèla Berlic,candidats del Partit occitan sul canton de Salvanhac

            Sèrgi Viaule e Gisèla Berlic, candidats del Partit occitan sul canton de Salvanhac, mercejant bravament las e los electritz e electors que lor an testimoniat lor fisança al primièr torn d’aquestas eleccions cantonalas de 2011. Dins lo contèxte d’una cultura politica jacobina que perdura desempuèi ara l’aveniment de la Republica, siem conscients que cal èsser estat capables de far pròva de sens critic e de clarvesença politica per votar autonomista. Per nos portar, calguèt a las nòstras electritz e als nòstres electors un coratge de visionaris. Per çò que siem convencits que la via del progrés social e democratic passa pel federalisme e la reconeissança politica del pòble occitan, mercés a n’elas e a n’eles per lor èime e lor intelligéncia.

            Lo sistèma electoral francés, de mercés a la complicitat antidemocratica de l’UMP e del PS, es emmargat e blocat de tal biais que l’expression democratica es pas possibla en defòra del bipartisme. Lo Partit Occitan e sos electors ne pagam los fraisses un còp de mai.

            Pasmens, aqueste primièr e darrièr torn d’escrutin passat, que las electritz e los electors, siaguen assegurats que contunharem lo combat per l’avenidor d’Occitània. E la finalitat d’aquesta demarcha serà, immancablament, l’autonomia per nòstre país.

Communiqué de presse traduit de l’occitan

            Sèrgi Viaule et Gisèla Berlic, candidats du Partit Occitan sur le canton de Salvanhac, remercient infiniment les électrices et électeurs qui leur ont témoigné leur confiance au premier tour de ces élections cantonales 2011. Dans le contexte d’une culture politique jacobine qui dure depuis maintenant l’avènement de la République, il faut faire preuve de sens critique et de clairvoyance politique pour voter autonomiste. Il a fallut aux électrices et électeurs qui ont voté pour nous un courage de visionnaires. Car, effectivement, nous sommes convaincus que la voie du progrès social et démocratique passe par le fédéralisme et la reconnaissance du peuple occitan. Merci à eux pour leur intelligence et leur discernement.

            Le système électoral français, de par la volonté et la complicité anti-démocratique de l’UMP et du PS, est ainsi fait que l’expression démocratique n’est pas possible en dehors du bipartisme. Une fois de plus le Partit Occitan et ses électeurs sont victimes de ce système inique.

            Ce premier et dernier tour de scrutin passé, la chose dont nous pouvons assurer nos électrices et nos électeurs est que nous continuerons le combat pour l’avenir de l’Occitanie. Et la finalité de celui-ci sera immanquablement l’autonomie de notre pays.